ਦਸਮੇਸ਼ ਕਲੱਬ ਨਕੋਦਰ ਦੀ ਟੀਮ ਵਿੱਚ ਖੇਡਦਾ-ਖੇਡਦਾ ਬਣਿਆ ਪੰਜਾਬ ‘ਚ ਦੂਜੀ ਵਾਰ ਲਗਾਤਾਰ ਸਭ ਤੋਂ ਵਧੀਆ ਧਾਵੀ ਬਣਿਆ - ਕੁਲਜੀਤਾ ਮਲਸੀਆਂ।

ਕੁਲਜੀਤਾ ਮਲਸੀਆਂ ਜਲੰਧਰ ਜ਼ਿਲ੍ਹੇ ਦੇ ਪਿੰਡ ਮਲਸੀਆਂ ਵਿਖੇ ਪਿਤਾ ਸ: ਪਰਮਜੀਤ ਸਿੰਘ ਦੇ ਗ੍ਰਹਿ ਮਾਤਾ ਬਲਵੀਰ ਕੌਰ ਦੀ ਕੁੱਖੋਂ ਜਨਮੇ ਕੁਲਜੀਤਾ ਮਲਸੀਆਂ ਨੇ ਜੋ ਪਹਿਚਾਣ ਕਬੱਡੀ ਜਗਤ ਵਿੱਚ ਬਣਾਈ ਹੈ ਉਹ ਬਹੁਤ ਹੀ ਘੱਟ ਖਿਡਾਰੀਆਂ ਨੂੰ ਨਸੀਬ ਹੁੰਦੀ ਹੈ। ਕਬੱਡੀ ਭਾਵੇਂ ਉਹ ਬਚਪਨ ਤੋਂ ਹੀ ਖੇਡਦਾ ਆ ਰਿਹਾ ਹੈ ਪਰ ਜਦੋਂ ਤੋਂ ਉਹ ਕੋਚ ਜਿੰਦਰ ਖਾਨੋਵਾਲ ਦੀ ਤਿਆਰ ਕੀਤੀ ਦਸਮੇਸ਼ ਕਲੱਬ ਨਕੋਦਰ ਦੀ ਟੀਮ ਵਿੱਚ ਆਇਆ ਉਸ ਨੇ ਵੱਖਰੇ ਹੀ ਰਿਕਾਰਡ ਬਣਾਉਣੇ ਸ਼ੁਰੂ ਕਰ ਦਿੱਤੇ। ਮੈਂ ਪਿਛਲੇ ਸਾਲ ਤੋਂ ਹੀ ਰਿਕਾਰਡ ਬਣਾਉਣੇ ਸ਼ੁਰੂ ਕੀਤੇ ਹਨ ਅਤੇ ਪਿਛਲੇ ਸਾਲ ਹੀ 2006-2007 ਦੇ 9 ਕਬੱਡੀ ਕੱਪਾਂ ਵਿੱਚ ਉਸ ਨੇ ਭਾਗ ਲੈ ਕੇ 20 ਮੈਚ ਖੇਡੇ ਅਤੇ 252 ਕਬੱਡੀਆਂ ਪਾ ਕੇ 236.50 ਅੰਕ ਪ੍ਰਾਪਤ ਕੀਤੇ। ਜਿਸ ਕਰਕੇ ਉਹ ਪੰਜਾਬ ਦੇ ਕਬੱਡੀ ਸੀਜ਼ਨ ਦਾ ਸਭ ਤੋਂ ਵਧੀਆ ਧਾਵੀ ਚੁਣਿਆ ਗਿਆ। ਪਿਛਲੇ ਸਾਲ ਹੀ ਉਸਨੇ ਟੋਰਾਂਟੋ (ਕੈਨੇਡਾ) ਦੇ ਕਬੱਡੀ ਸੀਜ਼ਨ ਵਿੱਚ ਵੀ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਉਸੇ ਸਾਲ ਉਹ ਅਮਰੀਕਾ ਅਤੇ ਦੁਬਈ ਦੀ ਧਰਤੀ ਤੇ ਵੀ ਵਧੀਆ ਖੇਡ ਦਿਖਾ ਕੇ ਆਇਆ।
ਜੇਕਰ ਸਾਲ 2007 ਅਤੇ 2008 ਦੇ ਪੰਜਾਬ ਦੇ ਕਬੱਡੀ ਸੀਜ਼ਨ ਦੀ ਗੱਲ ਕਰੀਏ ਤਾਂ ਉਸ ਨੇ ਇਸ ਸਾਲ ਹੋਰ ਵੀ ਵਧੀਆ ਖੇਡ ਦਿਖਾਈ। ਇਸ ਸਾਲ ਭਾਵੇਂ ਉਸ ਦੇ ਸੱਟ ਲੱਗ ਗਈ ਸੀ ਪਰ ਫਿਰ ਵੀ ਉਸ ਨੇ 11 ਕਬੱਡੀ ਕੱਪਾਂ ਵਿੱਚ 29 ਮੈਚ ਖੇਡ ਕੇ 347 ਕਬੱਡੀਆਂ ਪਾਈਆਂ ਅਤੇ 2 ਅੰਕਾਂ ਕਾਮਨ ਕਰਕੇ 315 ਅੰਕ ਪ੍ਰਾਪਤ ਕਰਕੇ ਇਸ ਸਾਲ ਵੀ ਪੰਜਾਬ ਦੇ ਸੀਜ਼ਨ ਦਾ ਸਰਵੋਤਮ ਧਾਵੀ ਬਣਨ ਦਾ ਮਾਣ ਪ੍ਰਾਪਤ ਕੀਤਾ। ਉਸ ਨੇ 11 ਕਬੱਡੀ ਕੱਪਾਂ ਜਿੱਥੇ ਚਾਰ ਵਾਰ ਵਧੀਆ ਧਾਵੀ ਬਣਨ ਦਾ ਮਾਣ ਪ੍ਰਾਪਤ ਕੀਤਾ ਅਤੇ 15 ਅਤੇ 16 ਦਸੰਬਰ 2007 ਨੂੰ ਲੁਧਿਆਣਾ ਦੇ ਗੁਰੂ ਨਾਨਕ ਸਟੇਡੀਅਮ ਵਿੱਚ ਕੁਲਜੀਤਾ ਮਲਸੀਆਂ ਧਾਵੀ ਵਜੋਂ ਖੇਡਦਿਆਂ ਨੇ ਜਿੱਥੇ ਇੱਕ ਮੈਚ ਵਿੱਚ 23 ਕਬੱਡੀਆਂ ਪਾ ਕੇ 22 ਅੰਕ ਪ੍ਰਾਪਤ ਕਰਕੇ ਇੱਕ ਮੈਚ ਵਿੱਚ ਸਭ ਤੋਂ ਵੱਧ ਅੰਕ ਪ੍ਰਾਪਤ ਕਰਨ ਦਾ ਰਿਕਾਰਡ ਬਣਾਇਆ। ਉੱਥੇ ਇਸੇ ਟੂਰਨਾਮੈਂਟ ਵਿੱਚ ਚਾਰ ਮੈਚਾਂ ਵਿੱਚ 51 ਕਬੱਡੀਆਂ ਪਾ ਕੇ ਸਾਢੇ 49 ਅੰਕ ਪ੍ਰਾਪਤ ਕਰਕੇ ਇੱਕ ਕਬੱਡੀ ਕੱਪ ਵਿੱਚ ਸਭ ਤੋਂ ਵੱਧ ਅੰਕ ਪ੍ਰਾਪਤ ਕਰਨ ਦਾ ਵੱਖਰਾ ਹੀ ਰਿਕਾਰਡ ਬਣਾਇਆ। ਕੁਲਜੀਤਾ ਮਲਸੀਆਂ ਨੇ ਦਸਮੇਸ਼ ਕਲੱਬ ਨਕੋਦਰ ਦੀ ਟੀਮ ਨੂੰ ਪੰਜਾਬ ਦੀ ਸਭ ਤੋਂ ਵਧੀਆ ਟੀਮ ਬਣਾਉਣ ‘ਚ ਵਿਸ਼ੇਸ਼ ਯੋਗਦਾਨ ਵੀ ਪਾਇਆ ਇਸ ਲਈ 6 ਮਾਰਚ 2008 ਨੂੰ ਲਿੱਤਰਾਂ ਦੇ ਕਬੱਡੀ ਕੱਪ ਵਿੱਚ ਕਬੱਡੀ ਦੇ ਇਸ ਸੀਜ਼ਨ ਦੇ ਸਟਾਰ ਧਾਵੀ ਕੁਲਜੀਤਾ ਮਲਸੀਆਂ ਨੂੰ ਸਫਾਰੀ ਗੱਡੀ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਕੁਲਜੀਤਾ ਮਲਸੀਆਂ ਨੇ 10 ਕਬੱਡੀ ਕੱਪਾਂ ਵਿੱਚ ਕਿੱਥੇ-ਕਿੱਥੇ ਕਿੰਨੀਆਂ ਕਬੱਡੀਆਂ ਪਾਈਆਂ ਅਤੇ ਕਿੰਨੇ ਅੰਕ ਪ੍ਰਾਪਤ ਕੀਤਾ ਇਹ ਜਾਨਣ ਲਈ ਹੇਠਾਂ ਦਿੱਤੇ ਗਏ ਟੇਬਲ ਵਿੱਚ ਪੜ੍ਹੋ।