07-12-2008  ਦੀ ਰਿਪੋਰਟ 08-12-2008  ਦੀ ਰਿਪੋਰਟ ਕੱਬਡੀ ਕੱਪ ਦੀਆ ਫੋਟੋਆਂ ਸਮਾਪਤੀ ਸਮਾਰੋਹ ਦੀ ਰਿਪੋਰਟ

ਮਾਂ-ਖੇਡ ਕਬੱਡੀ ਦੀ ਸੇਵਾ ਕਰਨ ਦਾ ਮੌਕਾ ਮਿਲਿਆ ਅਤੇ ਪਿਛਲੇ 6 ਸਾਲ ਤੋਂ ਮੈਂ ਪੰਜਾਬੀ ਦੇ ਵੱਖ-ਵੱਖ ਅਖਬਾਰਾਂ ਵਿਚ ਖਿਡਾਰੀਆਂ,ਪ੍ਰਮੋਟਰਾਂ ਅਤੇ ਕਬੱਡੀ ਕੱਪਾਂ ਬਾਰੇ ਆਰਟੀਕਲ ਲਿਖ ਰਿਹਾ ਹਾਂ। ਮੇਰੇ ਹੁਣ ਤੱਕ ਸਭ ਤੋਂ ਵੱਧ ਆਰਟੀਕਲ ਰੋਜ਼ਾਨਾ ਅਜੀਤ ਵਿਚ ਛਪ ਚੁੱਕੇ ਹਨ ਇਸ ਲਈ ਮੈਂ ਅਖਬਾਰ ਦੇ ਮੁੱਖ ਸੰਪਾਦਕ ਸ. ਬਰਜਿੰਦਰ ਸਿੰਘ ਹਮਦਰਦ ਅਤੇ ਖੇਡ ਜਗਤ ਮੈਗਜ਼ੀਨ ਸੈਕਸਨ  ਦੇ ਉੱਪ ਸੰਪਾਦਕ ਸ.ਗੁਰਵਿੰਦਰ ਸਿੰਘ ਢਿੱਲੋਂ ਦਾ ਤਹਿ ਦਿੱਲੋਂ ਧੰਨਵਾਦ ਕਰਦਾ ਹਾਂ।

ਪਰ ਕੈਨੇਡਾ, ਅਮਰੀਕਾ ਅਤੇ ਇੰਗਲੈਂਡ ਵਰਗੇ ਦੇਸ਼ਾਂ ਵਿੱਚ ਬੈਠੇ ਕਬੱਡੀ ਪ੍ਰਮੋਟਰਾਂ ਕੋਲ ਮੈਗਜ਼ੀਨ ਪਹੁੰਚਾਉਣਾ ਮੇਰੇ ਵੱਸ ਦੀ ਗੱਲ ਨਹੀਂ ਸੀ। ਇਸ ਲਈ ਮੈਂ ਪੰਜਾਬੀਆਂ ਦੀ ਮਾਂ-ਖੇਡ ਕਬੱਡੀ ਦੀ ਮਾਂ-ਬੋਲੀ ਪੰਜਾਬੀ ਵਿੱਚ ਵੈੱਬ ਸਾਈਟ ਬਣਾਉਣ ਦਾ ਫੈਸਲਾ ਕੀਤਾ। ਕਿਉਂਕਿ ਜਿੰਨੇ ਵੀ ਕਬੱਡੀ ਖਿਡਾਰੀ, ਪ੍ਰਮੋਟਰ ਅਤੇ ਕਬੱਡੀ ਦੇ ਪ੍ਰੇਮੀ ਹਨ ਉਹ ਤਕਰੀਬਨ ਸਾਰੇ ਹੀ ਪੰਜਾਬੀ ਹਨ। ਇਸ ਲਈ ਮੈਂ ਕਬੱਡੀ ਦੀ ਨਿਰੋਲ ਅਤੇ ਪਹਿਲੀ ਪੰਜਾਬੀ ਦੀ ਵੈੱਬ-ਸਾਈਟ ਖੇਡ ਕਬੱਡੀ ( www.khedkabaddi.com ) ਬਣਾ ਕੇ ਤੁਹਾਡੇ ਸਾਹਮਣੇ ਪੇਸ਼ ਕੀਤੀ ਹੈ, ਤੁਸੀਂ ਇਸ ਨੂੰ ਕਿੰਨਾ ਕੁ ਪਸ਼ੰਦ ਕੀਤਾ ਹੈ ਅਤੇ ਇਸ ਵਿੱਚ ਹੋਰ ਕੀ ਹੋਣਾ ਚਾਹੀਦਾ ਹੈ ਮੈਨੂੰ ਜ਼ਰੂਰ ਦੱਸਣਾ ਦੀ ਕ੍ਰਿਪਾਲਤਾ ਕਰਨੀ।

ਸਾਲ 2006-07 ਵਿੱਚ ਪੰਜਾਬ ਦੀਆਂ ਦੋਵੇ ਕਬੱਡੀ ਫੈਡਰੇਸ਼ਨਾਂ ਦੇ 29 ਕਬੱਡੀ ਕੱਪ ਹੋਏ ਅਤੇ ਮੈਂ ਸਿਰਫ 26 ਕਬੱਡੀ ਕੱਪਾਂ ਤੇ ਜਾ ਕੇ ਅਤੇ ਸਾਲ 2007-08 ਵਿੱਚ ਪੰਜਾਬ ਦੀਆਂ ਦੋਵੇ ਕਬੱਡੀ ਫੈਡਰੇਸ਼ਨਾਂ ਦੇ 48 ਕਬੱਡੀ ਕੱਪਾਂ’ਚ ਸਿਰਫ 39 ਕਬੱਡੀ ਕੱਪਾਂ ਤੇ ਜਾ ਕੇ ਕਬੱਡੀ ਖਿਡਾਰੀਆਂ ਦੇ ਰਿਕਾਰਡ ਬਣਾ ਸਕਿਆ। ਪਰ ਇਸ ਵਿੱਚ ਮੇਰੀ ਕੋਈ ਗਲਤੀ ਨਹੀਂ ਕਿਉਂਕਿ ਜਦੋਂ ਇੱਕ ਦਿਨ ਵਿੱਚ ਹੀ ਦੋ ਕਬੱਡੀ ਕੱਪ ਹੋਣਗੇ ਤਾਂ ਮੈਂ ਤਾਂ ਸਿਰਫ ਇੱਕ ਕਬੱਡੀ ਕੱਪ ਤੇ ਜਾ ਕੇ ਹੀ ਕਬੱਡੀ ਖਿਡਾਰੀਆਂ ਦੇ ਰਿਕਾਰਡ ਬਣਾ ਸਕਦਾ ਹਾਂ। ਪਰ ਮੈਂ ਜਿਸ ਕਬੱਡੀ ਕੱਪ ਦੇ ਰਿਕਾਰਡ ਨਹੀਂ ਬਣਾ ਸਕਿਆ ਉਸ ਦਾ ਮੈਨੂੰ ਬਹੁਤ ਦੁੱਖ ਹੈ ਕਿਉਂਕਿ ਕਬੱਡੀ ਦੇ ਖਿਡਰੀਆਂ ਨੂੰ ਵਧੀਆ ਪੁਜੀਸ਼ਨ ਪ੍ਰਪਤ ਕਰਨ ਲਈ ਇੱਕ-ਇੱਕ ਅੰਕ ਦੀ ਲੋੜ ਹੁੰਦੀ ਹੈ। ਪਰ ਇਹ ਤਾਂ ਹੀ ਹੋ ਸਕਦਾ ਹੈ, ਜੇਕਰ ਪੰਜਾਬ ਵਿੱਚ ਇੱਕ ਦਿਨ ਵਿੱਚ ਇੱਕ ਹੀ ਕਬੱਡੀ ਕੱਪ ਹੋਵੇਂ।

ਬਾਕੀ ਮੈਂ ਇਸ ਲਈ ਕਬੱਡੀ ਦੇ ਰਿਕਾਰਡ ਬਣਾਉਣਾ ਕੇ ‘ਉੱਤਮ ਖੇਡ ਕਬੱਡੀ’ ਮੈਗਜ਼ੀਨ ਅਤੇ ਖੇਡ ਕਬੱਡੀ ( www.khedkabaddi.com ) ਵੈੱਬ ਸਾਈਟ ਸ਼ੁਰੂ ਕੀਤੀ ਹੈ ਤਾਂ ਕਿ ਪੰਜਾਬ ਵਿੱਚ ਵਧੀਆ ਖੇਡਣ ਵਾਲੇ ਖਿਡਾਰੀਆਂ ਦਾ ਵੀ ਮੁੱਲ ਪੈ ਸਕੇ। ਮੇਰਾ ਸਾਲ 2007-08 ਪੰਜਾਬ ਦੇ ਕਬੱਡੀ ਸ਼ੀਜਨ ਦਾ ‘ਉੱਤਮ ਖੇਡ ਕਬੱਡੀ’ ਮੈਗਜ਼ੀਨ ਵੀ ਮਈ 2008 ਵਿਚ ਕਬੱਡੀ ਪ੍ਰੇਮੀਆਂ ਦੇ ਹੱਥਾਂ ਵਿਚ ਹੋਵੇਗਾ।

ਜੇਕਰ ਪ੍ਰਵਾਸੀ ਭਾਰਤੀ ਇਸੇ ਤਰ੍ਹਾਂ ਕਬੱਡੀ ਉੱਪਰ ਪੈਸੇ ਖਰਚਦੇ ਰਹੇ ਤਾਂ ਉਹ ਦਿਨ ਦੂਰ ਨਹੀਂ ਜਦੋਂ ਹਰੇਕ ਦੀ ਜ਼ੁਬਾਨ ਤੇ ਹੋਵੇਗਾ ਕਿ ਵਾਕਿਆ ਹੀ ਸਭ ਤੋਂ ‘ਉੱਤਮ ਖੇਡ ਕਬੱਡੀ’ ਹੈ। ਮੈਂ ਆਸ ਕਰਦਾ ਹਾਂ ਕਿ ਤੁਸੀਂ ਮੇਰੇ ਇਸ ਛੋਟੇ ਜਿਹੇ ਉਪਰਾਲੇ ਨੂੰ ਭਰਪੂਰ ਹੁੰਗਾਰਾ ਦਿਓਗੇ। ਕਬੱਡੀ ਖਿਡਾਰੀਆਂ, ਪ੍ਰਮੋਟਰਾਂ,ਫੈਡਰੇਸ਼ਨਾਂ ਅਤੇ ਕਬੱਡੀ ਕੱਪ ਕਰਵਾਉਣ ਵਾਲਿਆਂ ਦਾ ਜੇਕਰ ਸਹਿਯੋਗ ਮਿਲਦਾ ਰਿਹਾ ਤਾਂ ਮੈਂ ਹਮੇਸ਼ਾ ਮਾਂ-ਖੇਡ ਕਬੱਡੀ ਦੀ ਸੇਵਾ ਕਰਦਾ ਰਹਾਂਗਾ।